Loretta Conte – Nonno e nipote, La felicità
La poesia di nonno e nipote è stata chiesta a Loretta da don Marco Meglio (parroco del santuario Mariano)
Nonno e nnepote
’Ncopp’a na via allummenata da ’o Sole
camminano ddoje perzone:nonno e nnepote.
Arete a ’o puntone ’e chesta via
s’appresentajene tre bbelli gguaglione.
’O giovene ’e ssalutaje cu rriverenzia
e rrumanette ncantato ’e tanta grazzia.
“Nunnariello” – dicette ’o nepote –
“quale ’e chesti ffemmene me da ’a felicità?”
Rispunnette ’o nonno: “Facimmele parlà,
verimme ’e qqualità ca tèneno”
’A primma s’appresentaje cu nu pizzo a rriso
e ddicette, cu dducezza:
“Cride … e nnun t’alluntanà maje
d’’a via justa; sarraje nu giovane tuosto, sicuro e appusato”.
’A siconda s’appresentaje cu na faccia chiena ’e luce
e ddicette cu ffremmezza:
“ Ggiovane, spera e pprega ncopp’a ’sta via
pecché ê vvote può ncuntrà quacche amarezza.
Tu va annanze e nnun t’avutà arreto
pecché rummane salato e ffriddo comme a ’o ggelo”.
’A terza s’appresentaje cu na faccia chiena ’e ammore
e, ccu ’e mmane sgrimmate, ô rialaje pagnotte e vvino
e ddicette: ”Giovane, arrepuosate ogne ttanto ncopp’ a ’sta via
e jenchete’ ’e forza e ssalute”
Salutajeno nonno e nnepote e rrepigliajeno ’a via.
’O nepote dicette: “’O no’, a mme danno priezza tutt’’e ttre”
’O nonno, allumnenato d’’a saggezza d’’o tramonto, arrispunnette:
”Mme piaceno tutte e ttre ma nce nn’è una ca te farria felice cchiù ’e tutte, pe ssempe”
’O nepote dicette: “Nonno, e qqual’è?”
’O nonno jette a dd’’a terza e rrispunnette: “Ll’eterna carità”.
Lingua italiana: Nonno e nipote
Sulla via illuminata dal sole vanno due persone: nonno e nipote./Dietro alla svolta di questa via si presentarono tre belle ragazze./Il giovane le salutò con riverenza e rimase incantato da tanta grazia./
“Nonnino – chiese il nipote – quale di queste donne potrà darmi la felicità?”/Il nonno gli rispose: “Facciamole parlare, vediamo quali sono le loro virtù”./La prima si presentò con un mezzo sorriso e disse, con dolcezza:/“Credi … e non allontanarti mai dalla retta via; sarai un giovane gagliardo, sicuro e assennato”./La seconda si presentò con un volto luminoso e disse con fermezza:/
“Giovanotto, spera e prega per questa via, perché a volte potresti incontrare qualche amarezza./
Tu prosegui senza voltarti indietro perché rimarresti abbrutito e freddo come il gelo”./
La terza si presentò con un volto pieno d’amore e, con le mani ruvide e rugose, gli donò pane e vino e disse:/“Giovanotto, riposa ogni tanto nel fare questa via e riempiti di forza e di salute”./
Salutarono il nonno ed il nipote e ripresero la via./Disse il nipote: “Nonno, mi danno felicità tutte e tre”./Il nonno, illuminato dalla saggezza del tramonto, rispose:/“Mi piacciono tutte e tre ma ce n’è una che più delle altre ti potrebbe fare felice per sempre”./Il nipote chiese: “Nonno, qual è?”/
Il nonno andò dalla terza e rispose:/“L’eterna carità!”/
’A felicità
’A felicità è nu rialo d’ ’o Signore,
è na forza annascosa dint’ô core.
’A truove ’int’ê ccose sémprece d’ ’a vvita
quanno ll’ammore t’arape ’o core.
Âmmore p’ ’a famiglia ca te fa cumpagnia.
Âmmore p’ ’o marito ca te vo bbene
e nzieme a tte cammina.
Âmmore p’ ’e fìglie e pp’ ’e nepute
ca te jencono ’e priezza ’o core.
Luce e ccalore traseno ’int’a ’stu core
facenno schiuppà ’e gangare ’e ’stu sgrigno.
Âmmore pogne, pulezza chistu core
chino’’e ruggìa, ggelo e ffriddo.
Âmmore arape ’e pporte d’ ’o Paraviso
quanno riala perdono e ppace a cchi te sta vicino
e a cchi t’avota ’a faccia e tte vo sta’ luntano.
Riala ’o stesso pace e pperdono
’int’ô silenzio, a ’o core tujo;
s’énchie ’e priezza e … ncoppa â vocca:
nu pizzo a rriso.
Lingua italiana :La felicità
La felicità è un regalo del Signore/ è una forza nascosta nel cuore./
La trovi nelle cose semplici della vita/ quando è l’amore ad aprirti il cuore./
L’amore per la famiglia che ti tiene compagnia/ l’amore per il marito che ti vuole bene e che cammina con te/ l’amore per i figli e per i nipoti che ti riempiono il cuore di felicità./
Luce e calore entrano nel cuore, facendo saltare i cardini di questo scrigno./
L’amore punge, pulisce questo cuore pieno di ruggine, di gelo e di freddo./
L’Amore apre le porte del Paradiso quando dona pace e perdono a chi ti è vicino/
e anche a chi ti volta la faccia e vuole starti lontano./
Regala ugualmente pace e perdono nel silenzio, al tuo cuore./
Esso si riempie di gioia e … sulla bocca: un mezzo sorriso.
